Elxan Elatlı

Elxan Elatlı
Elxan Əbdürrəhman oğlu Osmanov
Doğum adı	Elxan Osmanov
Doğum tarixi	19 dekabr 1962(1962-12-19) (62 yaş)
Doğum yeri	Sis, Şamaxı rayonu, Azərbaycan SSR, SSRİ
Milliyyəti	azərbaycanlı
İxtisası	Mexanika-Riyaziyyat
Fəaliyyəti	yazıçı
Əsərlərinin dili	azərbaycanca
İstiqamət	detektiv
Janr	roman
Üzvlüyü	Azərbaycan Yazıçılar Birliyi
Mükafatları	"Qızıl qələm" media mükafatı (2020)

Elxan Əbdürrəhman oğlu Osmanov (19 dekabr 1962, Sis, Şamaxı rayonu) — azərbaycanlı yazıçı, Azərbaycan Yazıçılar Birliyinin üzvü, "Qızıl qələm" mükafatı laureatı.

Həyatı

Elxan Elatlı 1962-ci il 19 dekabrda Şamaxı rayonunun Sis kəndində anadan olub. Orta təhsilini doğma kəndlərində aldıqdan sonra Bakıda yerləşən Fizika–riyaziyyat təmayüllü Respublika 1 saylı məktəbində davam elətdirib. Uşaq yaşlarından ədəbiyyata böyük marağı olub. Kiçik şeirlər və hekayələr yazıb. "Kirpi" jurnalında miniatürləri, rayon qəzetində çoxsaylı məqalələri çap olunub.

1980–1985-ci illərdə BDU–nun mexanika–riyaziyyat fakültəsində oxuyub. 1985–2001-ci illərdə doğulduğu kənddə fizika–riyaziyyat müəllimi, rayon icra hakimiyyətinin ərazi üzrə nümayəndəsi, məktəb direktoru vəzifələrində çalışıb. 2001-ci ildən Bakı şəhərində yaşayır. İndiyədək 28 kitabı işıq üzü görüb ki, onların dördü şeir, ikisi riyazi məntiq, biri qəhrəmanlıq romanı("Qisas gecəsi"), digəri psixoloji roman ("Mərtəbələr") və "Xəstə ruhlar" əsəri tarixi-detektiv roman, on doqquzu isə detektiv nəsr əsərləridir. "Xəyanət" romanından sonra detektiv yazıçı kimi tanınmağa başlayıb. İrihəcmli "Qan ləkəsi" romanı və oradakı hadisələrin müəyyən mənada davamı olan "Cəhənnəmdən gələn səs" romanı vətənpərvərlik tərbiyəsi baxımından qiymətli əsərlərdən hesab oluna bilər. Azərbaycan Yazıçılar Birliyinin üzvüdür.

Əsərləri

• "Ağrıyır ürəyim, ağrıyır yaman" (şeirlər)
• "Səhv edirik biz" (şeirlər və qəzəllər)
• "Axtar məni" (şeirlər və qəzəllər)
• "Seçilmiş şeirləri" (şeirlər, poemalar)
• "Düşün bir az" (məntiqi riyaziyyat məsələləri)
• "Maraqlı məntiq məsələləri"
• "Yeddinci mərtəbədə qətl" (Nemət Sabirli&Qanbay Qasımlı, detektiv povest və hekayələr)
• "İtmiş qızın axtarışı" (detektiv povest və hekayələr)
• "Pəncərədə görünən kölgə"(Qanbay Qasımlı)
• "Xəyanət" (Qanbay Qasımlı)
• "Qan ləkəsi" (Ələmdar Məlikov & Allahverdi Əbilov)
• "Bakıdan gələn xəfiyyə" (Qanbay Qasımlı)
• "Dilənçi qadının sirri" (Qanbay Qasımlı)
• "Cəhənnəmdən gələn səs" (Ələmdar Məlikov — həmçinin rus dilində "Голос из ада")
• "Görünməyən izlər"(Qanbay Qasımlı)
• "Qisas gecəsi" (Mübariz İbrahimova həsr olunmuş qəhrəmanlıq romanı)
• "Arxalı canavar" (Qanbay Qasımlı & Ələmdar Məlikov)
• "Ələkeçməz yaquar" (Ayxan Asayev & Melissa Kazakova)
• "Ən yaxın planet" (Ələmdar Məlikov, Gültən Dəmirli)
• "Seçilmiş cəza"(Qanbay Qasımlı)
• "Adsız tablo" (Qanbay Qasımlı)
• "Mərtəbələr" (psixoloji roman)
• "Niyə susursan, polkovnik?"(Qanbay Qasımlı)
• "Qanunsuz əməliyyat" (Ələmdar Məlikov & Gültən Dəmirli)
• "Xəstə ruhlar" (tarixi-detektiv roman, Qanbay Qasımlı)
• "Məhəbbətin gizli kodu" (Qanbay Qasımlı)
• "14-cü Adam" (Pisxoloji roman, Firdovsi&Qanbay Qasımlı)
• "Ölüm ağacının kölgəsində" (Məhhəbət romanı&Dedektif, Ələmdar Məlikov & Gültən Dəmirli)
• "Eksperiment" (Karyera romanı)
• "Qanbay Qasımlının xəfiyyələri" (detektiv — Seldan Ayazlı və Elmar Bayarlı)
• "Armed Mişel" (Tarixi roman)
• "Uğursuz gecə" (Qanbay Qasımlı)
• "Alternativ əməliyyat" (Ələmdar Məlikov, Gültən Dəmirli, Ayxan Asayev)
• "Susan qadın" (Qanbay Qasımlı)
• "Qazinin ölümü"
• "Belçika ovçarkası"(Qanbay Qasımlı & Ələmdar Məlikov)
• "Şantaj" (psixoloji roman)
• Ölümsüz qətl (Qanbay Qasımlı)

Əsərlərinin əsas obrazları

Qanbay Qasımlı — "Qara xəfiyyə", İstefada olan polis polkovniki, cinayət axtarış eksperti. 12 yaşında evlərində olan qaz partlayışı səbəbi ilə valideynlərini itirmişdir. (On beş il əvvəl Moskvada Baş Cinayət Axtarış İdarəsində çalışıb. Orada yaxşı ad-san qazanıbmış. Ona "Qara xəfiyyə" deyirlərmiş. Sonra həyat yoldaşı Olqanı və körpə qızı Tahirəni vəhşicəsinə öldürüblər. O da intiqamını Sergey adlı dəstə başçısından aldıqdan sonra istefa verərək Bakıya qayıdıb. İndi tək yaşayır. Tanınmış qəzetlərdən birində şöbə müdiri işləyən Nemət Sabirli (on ildən bəri tanıdığı, neçə tədqiqat işində birlikdə olduğu, hərdən mənzilinə gəlib onunla söhbət edən, şahmat oynayan jurnalist dostu) ilə qapı qonşudur. Bakıya təzə gələndə bir-iki il Polis Akademiyasında saathesabı mühazirə oxuyub. Amma indi maraqlı təhqiqat işi olanda müstəqil məşğul olur. Həyata onu yenidən bağlayan Nilufər adlı xanımla ikinci dəfə ailə həyatı qurub və hazırda Aqil adlı bir oğul övladları var. Ancaq təəssüf ki, Aqil 4 yaşında olduğu vaxt ağır bir xəstəlik tapır və müalicə üçün atası ilə birlikdə İsrailə getsədə onu sağlamlığına qovuşdurmaq mümkün olmur. Sonradan aralarında yaranmış inciklik və söz söhbət səbəbindən Nilufər xanımdan da ayrılır.

Ələmdar Məlikov — "Leopard", Məxfi Şöbənin rəisi, general-mayor. Onun məxfi şöbədə qeyd olunmuş gizli adı Leoparddır.(Ona bu ləqəbi uşaq vaxtıı Mixail adlı "erməni"müəllimi işlətdiyi fənd üzrə vermişdir və bu fəndin adı "Leopard pəncəsidir"). Əslən"Şamaxı"şəhərindəndir. Milliyətcə Azərbaycan Türküdür. Ali kəşfiyyat məktəbini bitirib. Valideyinlərindən sadəcə anası yaşayır, atası isə adam öldürmək üzrə yaxalanıb və ölənə qədər türmədə həyat sürüb. General Baratovdan sonra Məxfi Şöbəyə rəis təyin olunub. Güclü qavrama, müşahidə qabiliyyətinə malik, son dərəcə cəsarətli bir kəşfiyyatçıdır. Gəldiyi düzgün məntiqi qərarlarla tərəddüd etmədən hökm verməsi əsas xüsusiyyətlərindən biridir. Rus, ingilis, erməni dillərini mükəmməl bilir. Vətənpərvərdir. Milli hissiyatı çox güclüdür. Qeyri-adi fiziki gücə və hazırlığa malikdir. Əlbəyaxa döyüşün bütün üsullarına bələd olmaqla, silahlardan da bacarıqla istifadə edə bilir. "Qara kəmər"sahibidir. Mənfi xüsusiyyətləri: kinlidir, çılğındır, şəxsi hissləri bəzən ümumi məqsədləri üstələyir.

Gültən Dəmirli — "Vaşaq", Məxfi Şöbənin gizli agenti (Dünyaya gəldikdən sonra anası tərəfindən körpənin həyatını xilas etmək məcburiyyətdən uşaq evinə atılan və Polkovnik Baratov tərəfindən götürülüb Vətənin qızı kimi yetişdirilən, bir çox döyüş sənətinin mahir ustasıdır "Vaşaq". Hazırda əsgər həyatına bənzər bir ömrü tək yaşayır. Ələmdar Məlikovun gizli və aşkar aşiqidir Gültən Dəmirli)

Ayxan Asayev — Ələkeçməz Yaquar əsərindəki Axilles ləqəbli qəhrəman (Bu oğlan elə Axillesin özüdür. Yəni, Axilles ləqəbidir bunun. Rəsmi adı Ayxan Asayevdir. Bu adı atası verib ona. Sumqayıtda doğulub. Anası isə çeçen olub. Kazanda yaşayıblar. Ayxan da elə orada anadan olub. Əfqanıstanda, İraqda, Türkmənistanda müxtəlif ağır əməliyyatlarda iştirak edib. Neçə dəfə çox təhlükəli vəziyyətlərdən sağ-salamat çıxıb. Ayxan Asayevi tapmaq və ya öldürmək o qədər də asan məsələ deyil. Axilles ləqəbini almasına səbəb-dəfələrlə ölüm təhlükəsindən qurtulması və bir növ gülləbatmaz olduğu üçündür. Yunan mifologiyasında Axilles əfsanəvi qəhrəman olub. Guya anası oğlunu ölməz etmək üçün onu yeraltı müqəddəs Stiks çayının suyuna salıb. Suya salarkən dabanından tutduğu üçün ora müqəddəs su dəyməyib və Axillesin yeganə zəif yeri dabanı olub. Yaşının az olmağına baxmayaraq, kifayət qədər təcrübəlidir. Bir il ciddi xəfiyyə məktəbi keçib. Növbəti iki ildə isə müstəqil olaraq, doqquz cinayətin üstünü açıb. Axilles çox kinli və qətiyyətlidir. Qarşısına qoyduğu məqsədə çatmaq üçün heç nədən çəkinən deyil.

Mübariz İbrahimov — "Qisas gecəsi" əsərinin qəhrəmanı (Azərbaycanın Milli Qəhrəmanı) — Azərbaycan–Bir xain erməni millətinin ucbatından başı həmişə olmazın müsibətlər, bəlalar çəkmiş qədim türk yurdu. Azərbaycanın bir parçası Biləsuvar.

Biləsuvarın Əliabad kəndi. 1988-ci ilin soyuq fevral ayında bu kənddə bir oğlan uşağı dünyaya göz açdı. Qonur gözlü, ay parçası kimi yaraşıqlı bu körpənin dünyaya gəlişindən Dünya xəbər tutmadı. Çünki o ən adi bir insan övladı kimi, sadə bir türk ailəsində doğulmuşdu. 

(Elxan Elatlı "Qisas gecəsi" romanından) İbrahimov Mübariz Ağakərim oğlu.

Bir cəsur ürək… Bir Türk əsgəri… 19 iyun 2010-cu il tarixində, gecə saat 23:30 radələrində Mübariz kimsəyə xəbər vermədən sadəcə, "Şəhid olsam üzülməyin. Vətən sağ olsun!" deyə bir məktub yazdı və Ermənistan sərhədinə basqın etdi. Erməni dəstək qüvvələri ilə 5 saata yaxın vuruşan qəhrəman Mübariz səhərə doğru şəhid olur. Ermənilər hətta Mübarizin cəsədindən belə qorxaraq əllərini bağlamış, şəkillərini çəkərək Rus mediyasında yayınlamışdılar. 

Həmçinin bax

• Rövşən Abdullaoğlu
• Varis Yolçiyev
• Elizabet Tüdor
• Ülviyyə Tahir
• Ceylan Mumoğlu

Xarici keçidlər

• Kitabklubu
• 10 ən çox satılan kitab
• Elxan Elatlının "Cəhənnəmdən gələn səs" kitabının imza günü keçirilib